FALAMOS DE "CHARLIE E A FÁBRICA DE CHOCOLATE"

O xoves 20 de novembro, celebrouse a reunión do Club de Lectura A Illa dos Libros grupo Os Choquiños para falar de Charlie e a fábrica de chocolate.

No libro, Roald Dahl cóntanos a historia dun neno moi pobre, pero xeneroso e ben educado, que chegará a ser dono dunha fábrica de chocolate, mentres que outros nenos que poden optar a ela se eliminan a si mesmos pola súa falta de sensibilidade e educación.

Comezamos a reunión cunha pequena introducción sobre a vida e a obra do autor, Roald Dahl y despois se lle preguntou aos asistentes se leran outros libros do autor, constatanto que é un escritor moi coñecido para todos os que estabamos na sesión. A continuación pasamos a comentar o libro. Falouse, entre outras cousas, de:

• O protagonista: acórdase que é un neno perfecto, maduro como un adulto, bondadoso en contraste cos demais. Moi interesante é a súa relación co seu avó, un home de grande sentido do humor e exemplo de xenerosidad.
• Outros personaxes: Os Oompa Loompas. O autor foi criticado pola creación destes personaxes. Cuestionouse o posible racismo e machismo do escritor.
  
• A situación económica do entorno é parecida á actual, con graves desigualdades sociais. A obra transcorre en inverno para así amosar máis a miseria.
• O colorido e os sabores. A narración presenta un mundo multicolor e cuns arrecendos e sabores que "se che fai a boca, auga"
• Reflexións. Plántéxase se a novela é para nenos ou adultos pois as lindes están moi claras. Fálase tamén dos nenos caprichosos e consentidos e as súas consecuencias nada aconsellables. Para rematar, unha pregunta para pensar: "Quen é máis feliz o que ten moito ou o que non posúe nada?

FALAMOS DE "O SEÑOR DAS MOSCAS"

O mércores 19 de novembro, celebrouse a reunión do Club de Lectura A Illa dos Libros grupo Os Chocos para falar de O señor das moscas.

O libro é unha novela de aventuras con náufragos onde a acción se ve guiada polos aspectos máis escuros do ser humano. Os nenos e adolescentes sobreviventes dun accidente aéreo encóntranse abandonados á súa sorte nunha illa deserta, así que liberados das ataduras sociais e culturais dos internados de onde procedían, dan renda solta ás características máis perversas do home: crueldade, brutalidade, odio, dominación do máis forte, sadismo e abusos, submisión dos débiles, etc.

Comezamos facendo un repaso a biografía do autor, Willian Golding, destacando os aspectos relacionados coa publicación da súa obra.

Despois, entre todos, fixose a enumeración da algún dos temas que trata o libro:

• A autoridade.
• A necesidade de normas na sociedade.
• A natureza do ser humano, bondade-maldade.
• A contraposición entre sistema democrático e ditadura.
• A violencia, e lícito o seu uso ou debe ser erradicada totalmente?
• O medo, xa que con el podese dominar a sociedade. Distinguimos entre o medo psicolóxico e o medo o castigo físico.  

A continuación pasamos a analizar os personaxes. Destacando os seguintes:

• Ralf, convertese en xefe, pero sen querer. É maduro e representa a civilización, o orden e o punto de vista adulto.
• Jack, impulsivo, sente envexa por non ser elixido líder, non quere responsabilidades. Representa o salvaxismo, o instinto, a violencia.
• Piggy, branco de toas as burlas debido ao seu físico. É a voz da intelixencia e a sensatez. Representa o lado racional e científico da civilización.
• Aínda que non sexan humanos incluímos á caracola, símbolo da racionalidade e da democracia e ó lume, que representa a esperanza de ser rescatados e que provoca o enfrentamento entre os rapaces.

Finalmente, fálase da posibilidade de traspoñer a sociedade do libro ás clases do noso instituto. Así vemos que: 

• Hai grupos de alumnos que exercen o poder, vítimas fáciles polo seu carácter ou forma de ser, hai fortes ou graciosos co seu coro de admiradores, etc.
• Ás veces, amparándose no anonimato do grupo, realízanse accións non convenientes.

Outro tema que sae a debate e a diferencia posible entre o ensino privado e público.Coma no libro, suponse que no ensino privado está a elite, pero esa elite en circunstancias adversas pode sacar o seu lado salvaxe e non reprime os seus instintos básicos.Pola contra, no ensino público maniféstase unha mellor convivencia, xa que a diversidade está máis presente.

Concluímos cualificando a novela de William Golding como psicolóxica, en principio parece unha novela de aventuras, porque dá a sensación de encerro, de estar acurralado. Chega a haber partes que deixan os sucesos á nosa imaxinación, intuímos a traxedia, pésanos o ambiente, pero realmente non se describe nada (sirva de exemplo o acaecido a Simón9 e cando chegan os adultos a reacción é a de dicir "o que pasou aquí, que quede aquí".