DESPEDIDA DO CLUB 2015-2016

Aquí tedes algunhas das fotos que fixemos o outro día na festa de despedida do Club por este ano. Estades todos

 ¡¡¡¡¡¡¡¡GUAPÍSIMOS!!!!!!!!

¡¡¡¡¡¡¡¡ BOAS VACACIÓNS !!!!!!!!

FALAMOS DE O MUNDO SECRETO DE BASILIUS HOFFMAN: O LADRÓN DE SOÑOS

O mércores 1 de xuño, celebrouse a reunión do Club de Lectura A Illa dos Libros grupo Os Choquiños para falar de O mundo secreto de Basilius Hoffman: O ladrón de soños.

O mundo secreto de Basilius Hoffman: O ladrón de soños comeza a saga do profesor Basilius Hoffman: historiador, arqueólogo, cabaleiro a tempo parcial e truhán a xornada completa. E a súa viaxe á procura do lendario Diario do Cartógrafo, no que descubriremos cidades perdidas no profundo da noite, sociedades secretas, misteriosas criaturas, poderosas reliquias sacras, imposibles aparellos mecánicos e unha infinidade de curiosos personaxes.

Comezamos facendo unha pequena introducción do autor Fernando M. Cimadevila, destacando os aspectos

relacionados coa súa vida e a obra que estamos a comentar. A continuación pasamos a comentar o libro.

O libro presenta influencias de "A historia interminable" de Michael Ende ou "O Hobbit" de Tolkien en xeral.

Resultou un pouco aburrido ao principio ata que saen de aventura. Ademais dá demasiada información (mitoloxía exipcia) que retarda a lectura e pode facela algo pesada.

Por outra banda engancha polo público ao que vai dirixido o libro, pola forma de comezar cada capítulo con citas sobre gatos ou polo curioso tío Peter que acompaña ao seu sobriño.

Trátase dunha novela infantil/xuvenil, pero que transmite valores adultos: nunca deberiamos perder a capacidade de imaxinación.

Chamou a atención a metaliteratura: a historia dentro da historia, con catro relatos paralelos.


Finalmente a mensaxe que nos transmite este libro é o duns seres que se dedican a roubar soños aos nenos e o empeño de Peter e Basilius será deter a eses ladróns e deixar que os nenos sigan soñando.

FALAMOS DE PERSÉPOLE

O martes 31 de maio, celebrouse a reunión do Club de Lectura A Illa dos Libros grupo Os Chocos para falar de Persépole.

Persépole é a historia autobiográfica da iraniana Marjane Satrapi, a historia de como creceu nun regimen fundamentalista islámico que a acabaría levando a abandonar o seu país.

Comezamos facendo unha pequena introducción sobre a obra  e sobre a autora Marjane Satrapi e a continuación

pasamos a comentar o libro. 

Persépole é un libro de aventuras que temporalmente coincide coa adolescencia da protagonista. Baixo este aspecto latexa unha crítica áfalta de liberdade tanto inividual como colectiva.

Ao alumnado que participa no club de lectura gustoulles moito dado o seu formato de cómic, xa que así a lectura fíxoselles moi amena. Quizais fose por esta circunstancia, pero, o certo foi que este libro suscitou a maior participación do alumnado no debate.

Máis alá das dificultades e detalles singulares da vida dunha nena en Irán, latexan as preocupacións sobre unha situación persoal que hoxe é moi habitual en Europa. Esa

adolescente comeza a espertar e a decatarse da situación dos seu pais e particularmemente a súa persoa.

Trascendendo que quira ser profeta, a discusión sobre o veo ou a controversia política (ela lía a Marx), o libro descríbenos unha mocidade que está moi implicada nos temas que importan en Europa, fálanos, por primeira vez, dunha xuventude formada, preocupada polo futuro.

Será por isto que interesou e suscitou tanto debate entre o noso alumnado?

XUNTANZA DE DESPEDIDA

 O martes 21 de xuño as 11:30 h. todos OS CHOQUIÑOS e OS CHOCOS estades invitados a unha pequeñiña festa de despedida na biblioteca do IES. Non faltedes haberá algunha sorpresiña.