Mirei o ceo moito tempo. Gústame mirar o ceo pola noite no xardín. [...] E cando miras o ceo sabes que estás a ver estrelas que están a centos e miles de anos luz. E algunhas das estrelas nin sequera existen xa, porque a súa luz tardou tanto en chegar a nós que xa están mortas, ou explotaron e quedaron reducidas a ananas vermellas. E iso faite sentir moi pequeno, e se na túa vida tes cousas difíciles é agradable pensar que son o que se chama «insignificantes», é dicir, que son tan pequenas que non tes que telas en conta cando fas un cálculo.
Título: O curioso incidente do can á media
noite
Autor: Mark Haddon
Xénero: Narrativa
Editorial: Rinoceronte Editor
Colección: Contemporanea.
Sipnose
.jpg)
Mark Haddon é un escritor británico de libros para nenos que con esta novela fixo a súa primeira incursión nunha literatura algo máis adulta. O curioso incidente do can á media noite narra unha historia emotiva con trazos de novela policial, desde o punto de vista dun adolescente algo especial: padece síndrome de Asperger, unha forma severa de autismo que impide aos que a padecen comunicarse de forma normal con outras persoas. Non obstante, nun número bastante elevado de casos, vai acompañado dunha brillantez nalgún tema de interese por parte do enfermo: as matemáticas, a música, a informática... tamén é frecuente que os que padecen a síndrome sexan grandes e eficientes coleccionistas.
A historia está escrita en primeira persoa polo protagonista, Christopher, un mozo de quince anos que sofre síndrome de Asperge. Unha noite descobre o cadáver de Wellington, o can da súa veciña señora Shears, que aparece atravesado por unha forca. Este achado fará que se decida a investigar esta estraña morte como un detective, seguindo os pasos do seu ídolo Sherlock Holmes e aplicando todos os seus coñecementos de lóxica dedutiva. A investigación converterase nun proceso de aprendizaxe
para o protagonista que o fará coñecer a realidade da súa vida familiar e un pouco máis do pequeno mundo que o rodea.
A investigación que iniciará Christopher fará que o mozo adolescente saia da súa rutina diaria e farao descubrir toda unha serie de feitos que rematará coa situación familiar que mantiña.
Se a obra comeza como unha novela de investigación detectivesca xuvenil vaise convertendo, a medida que avanza a trama, nunha historia dramática con algúns toques de comedia. A historia vaise transformando, pouco a pouco, nun drama familiar a medida que Christopher descobre o pasado da súa familia e todas as mentiras que foron construíndo a súa realidade actual.
Mark Haddon naceu en Northampton (Inglaterra) no ano 1962, e antes que escritor foi mensaxeiro, vendedor de billetes nun teatro. Licenciouse en Literatura Inglesa en Oxford, aínda que os seus primeiros recoñecementos lle chegaron como ilustrador e debuxante de tiras cómicas en diversos medios locais e, posteriormente, en The Sunday Telegraph e The Sunday.
Canso da ilustración, decide probar coa pintura abstracta, activida que segue desenvolvendo na actualidade, e tamén dar o salto á televisión doe, ademais de obter dous premios BAFTA como guionista, crea e dirixe algúns capítulos da serie Microsoap.
En 1987 escribiu o seu primeiro libro infantil ilustrado, e dende entón publicou unha quincena de títulos. No ano 2003 apostou por escribir a mesma novela en dous formatos, infantil eadulto, no que supoñía o seu primeiro paso cara á narrativa para adultos. O resultado: O curioso incidente do can á media noite converteuse na novela máis vendida do ano en literatura inglesa e o seu éxto internacional foi unánime.
O curioso incidente do can á media noite foi gañadora de multitude de premios entre os que se encontran o Whitbread e a Commonwealth. Haddon foi ademais finalista do premio Booker.
- CURIOSIDADES
Mark Haddon traballou durante unha tempada con persoas que padecían deficiencias físicas e mentais, o que lle axudou e inspirou á hora de escribir o seu exitoso libro O curioso incidente do can á media noite.
- OBRAS PRINCIPAIS
- O curioso incidente do can a media noite
- Un pequeno inconveniente
- Bum!
- FRASES DO AUTOR
- "É máis importante como se escribe unha novela que a historia en si. Unha grande idea pode matar a narrativa literaria".
- "Estou farto das novelas literarias nas que os personaxes son moi articulados e len centos de novelas".
- "Sempre estou atento ás voces, non ás ideas, que bolen na miña cabeza".
- "É tentador escribir de lugares exóticos e personaxes fascinantes, pero a min atráenme máis as novelas que abordan a situación universal humana".
Dez cousas que debes saber sobre Christopher
.jpg)
- Christopher só come os seus alimentos se non están xuntos.
- Non lle gusta a cor amarela nin tampouco o marrón.
- Desgústanlle as multitudes e o contácto físico. Non o abraces ou terás problemas.
- Gústalle o silencio e pasear pola noite.
- A súa memoria é tan boa que recorda as súas vacacións polo miúdo con itinerario completo, sen importar que estas fosen hai seis anos.
.jpg)
- Tranquilízase resolvendo problemas matemáticos na súa cabeza.
- As metáforas literarias e as frases coloquiais parécenlle sen sentido.
- Debe levar un papel coas expresións faciais debuxadas para recoñecer os sentimentos e emocións dos demais.
- Odia os lugares descoñecidos porque tería que aprender de memoria cada trazo e iso colápsao.
- Adora as listas.
A síndrome de Asperger: unha variante do autismo
A síndrome de Asperger (ÁS) é un trastorno severo do desenvolvemento, considerado como un trastorno neuro-biolóxico no cal existen desviacións ou anormalidades nos seguintes aspectos do desenvolvemento:
- Conexións e habilidades sociais
- Uso da linguaxe con fins comunicativos
- Características de comportamento relacionados con trazos repetitivos ou perseverantes
- Unha limitada gama de intereses
- Na maioría dos casos torpeza motora
A síndrome de Asperger é un trastorno moi frecuente que ten maior incidencia en nenos que nenas. Os nenos con este diagnóstico teñen severas e crónicas incapacidades no social, na conduta e na comunicación.
.jpg)
Algunhas das características dos nenos con Asperger:
- Socialmente torpe e difícil de manexar na súa relación con outros nenos e/ou adultos. Inxenuo e crédulo.
- A miúdo sen conciencia dos sentimentos e intencións doutros.
- Con grandes dificultades para levar e manter o ritmo normal dunha conversa. Altérase doadamente por cambios en rutinas e transicións.
- Literal en linguaxe e comprensión, non entenden o "dobre sentido".
- Moi sensible a sons fortes, cores, luces, olores ou sabores.
- Fixación nun tema ou obxecto do que poden chegar a ser auténticos expertos.
- Fisicamente torpes en deportes.
- Incapacidade para facer ou manter amigos da súa mesma idad.
Estes nenos poden ter:
- Memoria inusual para detalles.
.jpg)
- Problemas de sono ou de alimentación.
- Problemas para comprender cousas que oíron ou leron.
- Patróns de linguaxe pouco usuais (observacións obxectivas e/ou relevantes).
- Falar en forma estraña ou pomposa: voz moi alta, ou monótona.
- Tendencia a balancearse, inquietarse ou camiñar mentres se concentran.
A persoa coa síndrome ten un aspecto e unha intelixencia normal, frecuentemente presenta habilidades especiais en áreas restrinxidas, pero ten problemas para relacionarse cos demais e presenta comportamentos inadecuados.
A persoa Asperger presenta un estilo cognitivo distinto. O seu pensamento é lóxico, concreto e hiperrealista. A súa minusvalía non é evidente, só se manifesta ao nivel de comportamentos sociais inadecuados proporcionándolles a eles e os seus familiares problemas en todos os ámbitos.
E frecuentemente: habilidades especiais en áreas restrinxidas.
Se queres saber máis cousas sobre o Autismo ou o síndrome de Asperger podes visitar a páxina da Federación Asperger españa: www.asperger.es. Ou tamén podes ver os seguintes vídeos sobre o tema.
Ningún comentario:
Publicar un comentario