CHARLIE E A FÁBRICA DE CHOCOLATE

Só unha vez ao ano, no seu aniversario, lograba Charlie Bucketprobar un anaco de chocolate. Toda a familia aforraba o seu diñeiro para esta ocasión especial, e cando chegaba o gran día, Charlie recibía de regalo unha chocolatina para comela el só. E cada vez que a recibía, naquelas marabillosas mañás de aniversario, colocábaa coidadosamente dentro dunha pequena caixa de madeira e atesourábaa coma se fose unha barra de ouro puro; e durante os días seguintes só se permitía mirala, pero nunca tocala. Por fin, cando xa non podía soportalo máis, desprendía un anaquiño diminuto do papel que a envolvía para descubrir un anaquiño diminuto de chocolate, e daba unha diminuta dentada xusto o suficiente para deixar que o marabilloso sabor azucrado se estendese lentamente pola súa lingua. Ao día seguinte daba outra diminuta dentada, e así sucesivamente. E deste modo, Charlie conseguía que a chocolatina de seis peniques que lle regalaban polo seu aniversario durase máis dun mes.

Pero aínda non vos falei da única cousa horrible que torturaba ao pequeño Charlie, o amante do chocolate, máis que calquera outra. Isto era para el moito, moito peor que ver as libras de chocolate nos escaparates das tendas ou contemplar como os demais nenos mastigaban cremosas chocolatinas ante os seus propios ollos. Era a cousa máis torturante que poidades imaxinarvos, e era esta:

Na propia cidade, á vista da casa na que vivía Charlie, había unha ENORME FABRICA DE CHOCOLATE! Imaxinádesvolo?

Ficha técnica

Título: Charlie e a fábrica de chocolate
Autora: Roald dahl
Xénero: Narrativa
Editorial: Edicións do Cumio

Sipnose

Este outubro acaba de cumprirse o cincuenta aniversario da publicación da primeira edición da marabillosa obra de Roald Dahl Charlie e a fábrica de chocolate. A historia de Charlie Bucket, os cinco Billetes Dourados, os perversos Oompa-Loompas e o incrible Willy Wonka foi traducida a cincuenta e cinco idiomas e vendeu preto dos vinte millóns de exemplares en todo o mundo.

O señor Willy Wonka, o xenio da fabricación de lambonadas, agachou cinco billetes dourados nos envoltorios das súas chocolatinas. Os que dean con eles poderán visitar a súa misteriosa fábrica, onde se elaboran os doces máis

sabedoiros que se poidan imaxinar: xeados que nunca se derreten, caramelos eternos que non se desgastan, chicles que nunca perden o sabor…Unha fábrica na que ningún estraño entrou nos últimos quince anos, e para a que se busca herdeiro.

Charlie Bucket, un rapaz de bo corazón que procede dunha familia moi pobre e vive á sombra da extraordinaria fábrica de chocolate, atopará un dos billetes máxicos, converténdose nun dos rapaces afortunados que entren nese lugar maravilloso. Esta será unha visita que mudará a súa vida para sempre.

O humor, unha narración eficaz e económica, así como a tenrura para caracterizar un conxunto de personaxes adultos e infantís, singularizan esta obra considerada  como unha das xoias da historia da literatura infantil de todos os tempos.

Pasa por ser a novela máis famosa de Roald Dahl, a primeira dá serie que terá como protagonistas a Charlie e ao señor Wonka e que terá continuación en Charlie e ou grande ascensor de cristal.

A primeira adaptación cinematográfica, Un mundo de fantasía (Willy Wonka & the Chocolate Factory, 1971) foi escrita polo propio Roald Dahl. A súa viúva aprobou a versión rodada por Tim Burton e protagonizada por Johnny Deep, Charlie e a fábrica de chocolate (Charlie and the Chocolate Factory, 2005)

Ao parecer, Dahl inspirouse na competencia que dous marcas chocolateiras, Cadbury e Rowntree's, estableceron nos anos vinte.

Pequena biografía

Naceu o 13 de setembro de 1916 en Llandaff, un pobo do país de Gales (Gran Bretaña), no seo dunha familia procedente de Noruega.

Tras abandonar a escola de Llandaff, Roald estudou en Inglaterra naSt. Peter's Preparatoty School e nun colexio interno de Repton, en Derbysire, lugar no que sufriu unha ríxida educación. Estas experiencias escolares serviron de base nos seus textos para o enfoque cruel do infante sobre o mundo adulto.

Aos 18 anos deixou os seus estudos e comezou a traballar en Londres nunha compañía petrolífera e catro anos despois marcharía a Tanganika, país no que residiu ata o ano 1939.

Cando estalou a Segunda Guerra Mundial, formou parte das forzas aéreas británicas e participaría en moitos combates contra os fascistas e os nazis en Exipto, Libia e Grecia, sufrindo feridas de gravidade.

En 1953 casou coa actriz Patricia Neal, coa que tivo cinco fillos. En 1960 regresa coa súa familia a Inglaterra e será entón cando escriba a maior parte dos seus libros para nenos.

Roald Dahl viviu os seus últimos anos na granxa de Bucking Hamshire, xunto á súa segunda esposa e morreu de leucemia en Oxford (Inglaterra) en 1990.

A súa obra

A primeira novela para nenos de Roald Dahl foi Os Gremlins, publicada en 1943.

A partir dos anos 60, Roald Dahl, que contou en variadas ocasións coa colaboración do ilustrador de Quentin Blake, envorcouse principalmente na literatura infantil e xuvenil, especialmente tras o éxito de James e o melocotón xigante (1961).

Máis tarde apareceron Charlie e a fábrica de chocolate (1964) e a súa continuación Charlie e o ascensor de cristal (1978), O dedo máxico (1966), O superraposo  (1970), O crocodilo enorme (1978), Os cretinos (1980), A marabillosa medicina de Jorge (1980), Matilda (1982), un dos seus mellores e máis coñecidos traballos, O gran xigante santo (1982), Contos en verso para nenos perversos (1982), As bruxas (1983), libro que logrou o premio Whitbread,  Agu Trot (1990), O vicario que falaba ao revés ou Os Mimpins.

Nas óbras de Roald Dahl combínase a fantasía, o humor e unha visión moi especial do mundo dos nenos.

Podes coñecer máis sobre este autor e a súa obra entrando en:

• A páxina de Roald Dahl
• Lendo o artigo de Ana Nebreda Dominguez: "ROALD DAHL, un provocador lleno de ternura"
• Votando unha ollada o dosier sobre a vida e obra de Roald Dahl publicado na web "Leer es un buen plan"

Dez cousas que debes saber sobre Charlie e a fábrica de chocolate

1. O libro saíu dunha historia que Dahl inventou para contar as súas dúas fillas, Olivia e Tessa, antes de ir a durmir. Tessa logo converteríase en nai da escritora, presentadora e modelo Sophie Dahl.


2. O título orixinal do libro era Charlie's Chocolate Boy. Charlie era un dos dez nenos que descubría un dos billetes dourados dunha lotaría semanal para ir a visitar a fábrica. O neno remataba por accidente nun molde de chocolate que compraban para regalar unha nena.


3. Ao principio, Willy Wonka era coñecido como Ritchie.


4. Os Umpa-Lumpa ata o último momento chamáronse Whipple-Scrumpets.





5. Mel Stuart fixo unha adaptación do libro á película de 1971 porque a súa filla lle levou unha copia á casa. Díxolle que llo lera tres veces e que quería que o convertese en película. Casualmente, o seu colaborador na produción, David Wolper, mantivo unha conversación cun axente de publicidade que tiña un cliente, Quaker Oats, que quería financiar un proxecto que puidese relacionarse cunha nova barriña de chocolate que estaban a crear. Dito e feito!


6. Dahl quería que Peter Sellers ou Spike Milligan fixesen de Wonka na película. Stuart e Wolper querían que fose o actor Joel Grey, que cantaba, bailaba e gañaba premios, pero decatáronse de que se algún dos actores nenos daba o estirón durante a rodaxe, ao final acabaría alcanzando á estrela, que só medía 1,67 m. Entón, cando Gene Wilder fixo a audición, pensaron que encontraran o home perfecto para o papel. "Víñalle mellor que a Jacques Cousteau un traxe de neorpreno", dicía Wolper na súa autobiografía, tituladaProducer.



7. Julie Dawn Cole, que facía de Veruca Salt na película, é agora psicoterapeuta de nenos. Peter Ostrum -Charlie- é veterinario en Nova York.


8. Segue habendo cinco borradores de Charlie no arquivo do MuseoRoald Dahl de Great Missenden (Buckinghamshire). Cre que Dahl destruíu o primeiro cando o seu sobriño pequeno lle dixo que era "un lixo".


9. Cando foi publicado en setembro de 1964, vendeu 10.000 copias só na primeira semana. The New York Times cualificouno de "puro pracer".


10. Dahl quería que un novo artista relativamente descoñecido, chamadoMaurice Sendak, ilustrase a primeira edición. Pero estaba moi ocupado cun libro, aparentemente, con Donde viven os monstros.

Homenaxe a Roald Dahl

Como remate deixovos un vídeo de homenaxe ó autor feito pola editorial Alfaguara